بسم الله الرحمن الرحيم

تتشرف اسرة موقع روايتي دوت كوم في نشر تفاصيل الندوة التي تمت بين نجوم روايتي وبين القراء في احتفالية خاصة إقيمت في مكتبة مبارك العامة وتم فيها تسليم جوائز مسابقة اتحدى موهبتك

بدأت الندوة بكلمة  مديرموقع روايتي أ/ حسام حماية بدأ فيها بتوجيه الشكر الى الكتاب الكرام على تشريفهم بالقدوم بالندوة  واعتذر نيابة عن  د /أحمد خالد توفيق لعدم حضوره وذلك بسبب وجود ظرف طارئ

كلمة د . نبيل فاروق

بدأ فيها بتهنئتهم وقال بأنه فى غاية السعادة لأن معظم الأعمال التى قام بالاطلاع عليها غاية فى الجودة وأكثر ما أثار اهتمامه بها الدقة اللغوية وهذا عكس ما يقال من أن شبابنا لا يهتموا باللغة العربية فقد كان فى غاية السعادة على جودة الأعمال التى وصلته وأيضا لخلوها من الأخطاء اللغوية وغيرها

كما قال بأنه منذ 6 سنوات قام بعمل جائزة  أوسكار رجل المستحيل كجائزة كى ينمى مواهب الشباب وبما أن روايتى قامت بذلك أيضا فقد قدمه الى الفائزين

كما أكد على أن المسابقة والتصويت والاختيار كان فى غاية العدالة ولم يتم ظلم أحد من المتسابقين

كلمة أ . شريف شوقى

أعرب عن سعادته البالغة لوجوده مع قراء روايتى دوت كوم وقام بتهنئة الفائزين بالمسابقة بصفة عامة ومسابقة أفضل قارئ بصفة خاصة وتحدث عن سعادته بأن هناك من يملك حس بوليسى واستطاع أن يقوم بحل المسابقة

كلمة أ . فواز

كلمة أ . ياسر حماية

قام بتهنئة الفائزين بالمسابقة وتحدث عن أنه (مستغرب ) المكان اللى هو قاعد فيه وقال بأننى أمس كنت معكم وكنت أذهب الى د . نبيل فاروق كى أريه أعمالى وآخذ منه النصيحة وها نا الآن بجوارهم فهذا شرف كبير جدا لى وانا مازلت مصر على انى معاكم وانا لسة صغير أوى ولسة ما كبرتش ولا حاجة وهافضل معاكم برضه

كلمة د . محمد فتحى

كان وسط القراء ورفض بشدة الجلوس بجوار الكتاب الا بعد الحاح شديد

قام بتهنئة الفائزين وقال بأن هناك من يكتب أفضل من كل الموجودين هنا

 بس هم مش محتاجين غير الفرصة بس وقال أنا كمان كنت لسة امبارح باعطى أعمالى الى د . نبيل فاروق كى آخذ منه النصيحة ،

ونصيحة الى كل الموجودين  ما تيأسوش أبدا وافضلوا حاولوا وان شاء الله هاتجيلكم الفرصة فى الكتابة ومين عارف يمكن ييجى يوم وتكونا أفضل من الكتاب اللى موجدين هنا وكفاية كدة لأنى أعتقد ان كلمتى كدة أطول كلمة فى الكتاب كلهم

كلمة د/شريف عرفة

ووجه كلامة للقراء وقال ان موقع روايتي  يتمثل في القراء الذين يتابعون بشغف وحب كل ما يقدمة الموقع من اعمال لافضل الكتاب

وبالتالي موقع روايتي لن يتنازل عن تقديم كل ماهو مميز وجديد حتى يكون دائما  في المقدمة

وبعد ذلك قام الكتاب الكرام بتوزيع الجواز وشهادات التقدير للفائزين بالمسابقة

وأثناء ذلك اكتشفنا أن احد الفائزين هو ابن الأستاذ فواز (رئيس لجنة التحكيم فى مجال الرسم) وأنه رغم ذلك كان فى قمة الأمانة ولم يعط ابنه سوى ما يستحقه فقط

وبعدها قام د . نبيل فاروق باعطاء أوسكار رجل المستحيل الذهبى الى مكتبة مبارك

وبعدها مباشرة تم افتتاح الندوة لم يود أن يطرح أى استفسار أو سؤال

س : احنا يا د . نبيل بنقابل حضرتك ونتكلم مع كل الناس اللى بيقرؤلك ونتقابل فى ندوات ونشعر اننا مثقفين بجد وفى حين ما بنخرج الشارع نفاجأ بحالة الامبالاة الكبيرة الموجودة بالشباب ؟

أجاب د . نبيل فاروق

بأنه دائما ما يضرب المثل فى تلك الأمر بمحل ماكدونالدز

فهناك من يقف بخارجه يشاكس فى اللى رايح واللى جاى

فأنت عندما ترين شابا كادحا من أول اليوم الى آخره لن يستطيع أن ينفق على نفسه ولا يهتم بالقرائة فهذا ليس عيبا فيه بل انه قد تعود على كدة لأن حياته كلها كدة وهو ما اتعودش على القرائة فهى بالنسبة لها مش فى دماغه وده مش عيب فيه لأنه خلاص دى حياته وهى بالنسبة ليه كدة صح

وبعدين انا ضد ان الشباب ما عندوش طموح وخلافه يعنى عندك مثلا فى الجامعة هاتلاقى 70% بيحضر المحاضرات وبيذاكر و 15 % مسرورا جدا فى الجامعة و5 % فى حالهم .... قاطعته أحد الجالسين بالندوة سلبيين يا د . نبيل

أجاب لأ مش سلبيين هم عندهم لا مبالاة بكل اللى حواليهم و انت مش هاتشوفى غير مثيرى الجدل اللى فى المجتمع لانهم بالظبط زى النقط السودة على ورقة بيضا

قاطعته صاحبة السؤال لكن يا د . مفروض يعترضوا ويفكروا ويغيروا نمط حياتهم

لأ انت كدة عاوزة تعيدى نشأتهم من أول وجديد وده بقى قضية كبيرة لأنك من البداية عاوزة تعيدى طريقة المناهج الدراسية وهم ليه بيقولوا الطفل المصرى بيفضل ذكى الى سن المدرسة لأنه بيتعود على الحفظ بس بدليل انه لو شال كلمة مكان كلمة وهو بيجاوب على المدرس هايقولها .. لأ احنا عاوزين اللى فى الكتاب وده غلط لأنى مفروض أعوده على البحث والدخول فى مكتبات وانه يجيب المعلومة من كذا جهة انا كدة بعلمه التفكير مش نمط واحد بس للتفكير

عقب د/ شريف عرفة

بعدم وجود شخص لا يستطيع التفكير فعلى سبيل المثل السباك اللى بييجى البيت عشان يصلح الحنفية وانا مش بعرف اصلحها فهو برضه بيبصلى على انى ما بعرفش افكر لأ طبعا كل واحد فينا بيعرف يفكر ولكن كل واحد باسلوبه وحجم تفكيره

وأكمل ا . فواز

بأن هذا أيضا نتيجة نظام منذ 50 سنة فعلى سبيل المثل لماذا يخجل المصرى الآن من الاعتراف بجنسيته المصرية بالخارج ........... لأنه مهان فى بلده مصر اساسا

مع ان في البداية كان هناك احترام دائما والواحد منا كان يتفاخر انه مصري

س : تكرر السؤال عن الخلاف بين د . نبيل فاروق ود . أحمد خالد توفيق ونود أن نؤكد للمرة الأخيرة على حقيقته وهناك من يقول بأن د . أحمد لم يحضر عشان حضرتك هنا

أجاب د . نبيل فاروق

مين اللي قال الكلام ده انا ود/ احمد أخوات وهنفضل طول عمرنا اخوات وانا محبش ان حد يفتح في مواضيع شخصية ملهاش علاقة باي حد غيري انا ود /أحمد خالد

وأنا معتقدتش ان في حاجة ممكن تحصل بيني انا ود/أحمد

س : وعن حقيقة ال خلاف بينه وبين المؤسسة العربية الحديثة؟

أجاب د . نبيل فاروق

بأنه كانت فيه مشكلة واتحلت خلص والحمد لله

وبعدين المؤسسة دى بيتى وانا اتولدت فيها وهى صاحبة الفضل على وبعدين انا والمؤسسة عاملين زى الاتنيين المتجوزين هى تتخانق مع جوزها وتروح بين أهلها شوية وهو ممكن يسيب البيت لكن فى الآخر هاريجعه لبعض لأنهم ما لهمش غير بعض

س : عن امتلاك د . نبيل فاروق لشخصية أدهم صبرى وعدم احقيتها لأحد غيره أليس فى هذا انانية من الكاتب فنحن نرى حلقات لسوبر مان يكتبها اشخاص غير المؤلف الرسمى لها بل احيانا ما يشترك فى التأليف أكثر من مؤلف وايضا شخصية جيمس بوند فعلى الرغم من أن مالكها هو آيان فليمنج الا اننا وجدنا عدة مؤلفين يكتبوا فيها الآن؟

أجاب د. نبيل فاروق

فيه فرق بين التأليف والسيناريو اللى انت بتقول عليه ده اسمه سيناريو يعنى هاتلى مثلا حد كتب رواية لجيمس بوند غير أيان فليمنج ما فيش انما سيناريو الفيلم ده حاجة تانية يعنى انا مثلا لو أحد قام بعمل فيلم للأدهم صبرى وممكن اساسا ما يكونش هو ادهم اللى احنا عارفينه مش مهم لأن العمل ما دام اتحول الى سينما او تلفزيون فانا كدة ما ليش دعوة بيه

س : عن شخصية الخائن بمسلسل العميل 1001 ؟ ومتى جند ؟

أجاب د . نبيل فاروق

بأنه لو لاحظ استرسال الأحداث سيجد أنه مجند من اول المسلسل وعندما تم احتياجه فى مهمة جمع معلومات عن عمرو فدوره بان ولاحظ المسلسل تانى هاتعرف انه من أول المسلسل لحسابهم

عقب صاحب السؤال عن انه ما فيش غير اخو عمرو فى مصر كلها يعنى اللى يتجند وان وقت ما كان .... هايجيب صور عن عمرو حقيقية تاب مش التانية دى صدفة

أجاب د . نبيل فاروق

بأن الأولى للتشويق بالمسلسل والأخرى فعادى الصدفة بتحصل وهاتلى أى فيلم عاملى أو غيره مش بتيجى فيه صدفة والصدفة مش وحشة بشرط توظيفها صح مش تحصل كدة وخلاص وبرضه كان هدفها التشويق والاثارة

س : فى نهاية اعترفات زوج خائن ذكرت فى النهاية انه قد التحق بعمل جديد وانه من المحتمل ان يعدل من سلوكه الى الأبد فهل حدث هذا؟

أجاب د . نبيل فاروق

بأن الكتاب ده اصلا اتعمل كعملية تطهير وهو اتنقح كتير وفعلا هو الحمد لله أصبح انسن تانى خالص

س : عن عمل فيلم مع عمرو دياب وأنه هايغنى فيه ؟

أجاب د . نبيل فاروق

بأنه ما المانع

وان كانت التجربة جديدة عليه وعلى عمرو دياب فعمرو مغنى شهير وله ثقله  والعمل مخابراتى واود أن يخرج بأحسن صورة وعمرو أيضا لم يقم بغناء أغانى وطنية من قبل فدى جديدة عليه وهو خايف منها فالفيلم لسه عاوز تحضير كتير مش دلوقتى

س : هل ستتغير نوعية كتابة أ . ياسر بعد الزواج؟

لأ...لان انا اتعرفت اني كاتب شباب يعني بتحدث عن الشباب ومشاكلهم وبعدين انا دماغي كده وهتفضل كده طول عمري بس هايكون فيها  استقرار شوية  

واكيد الخبرة بتفرق كتير .